A nadadora Ana Cernadas González do C. Fluvial de Lugo e bolseira do CGTD, está seleccionada para participar no Campionato de Europa Júnior que se vai disputar en Roma do 6 ao 11 de xullo. Ana consegue esta clasificación en base aos resultados acadados no recente Campionato de España OPEN Absoluto e Júnior.
Neste Equipo Nacional Júnior para o Europeo serán dúas as nadadoras galegas as que participen xa que Paula Otero Fernández do C. N. Arteixo, estaba clasificada directamente ao nadar por debaixo das marcas mínimas de referencia en tres probas no recente Cto. de España OPEN de Sabadell: 400, 800 e 1500 libre.