O venres terá lugar en Madrid a X Gala da Natación Española na que se premian os méritos a persoas e entidades da última tempada, na que haberá representantes da Federación Galega. Recibirán medallas de servizos distinguidos dous árbitros do CGA: Mª Luisa Teijeiro en categoría de prata e Manuel Castro en categoría de bronce.
No estamento de Adestradores, Raúl Solleiro recibirá a medalla en categoría de ouro.
No estamento de deportistas, reciben medalla de bronce de servizos distinguidos por actuacións internacionais en augas abertas, os nadadores do C. N. Liceo, Gaspar Andrade Budiño e María de Valdés Álvarez.