Hoxe presentouse no Concello de Mos o Campionato Galego Alevín de Natación que se disputará os días 31 de xaneiro e 1 de febreiro na piscina de Mos.
Estiveron presentes, Felisa Rodríguez, Concelleira Deportes de Mos; Adrián Trillo, presidente CN Mos; Nidia Arévalo, Alcaldesa de Mos;Juan Carlos Brión, presidente Fegan e Daniel Benavides, Xefe do Servizo provincial de deportes Xunta de Galicia en Pontevedra.
O Campionato estará organizado pola Federación Galega de Natación e CN Mos, contará coa colaboración do Concello de Mos. Participarán 185 nadadores de 28 clubs galegos.
