Presentación no Concello de Pontevedra do Campionato de España Alevín e Infantil de Natación Artística de Inverno que se celebrará do 28 ao 30 de marzo na piscina Rías do Sur de Pontevedra.
No acto estiveron: Chus Refojo, adestradora de CNA Galaico Pontevedra; Alejandra Parada, Presidenta de CNA Galaico Pontevedra; Anabel Gulías, Conselleira de Deportes de Pontevedra; Juan Carlos Brión, Presidente da FEGAN; Jorge Castro, Director Técnico de Rías do Sur e Diana Fernández, Directora Técnica de CNA Galaico Pontevedra.
O campionato está organizado pola RFEN e CNA Galaico Pontevedra coa colaboración do Concello de Pontevedra e a FEGAN. Contará coa participación de 718 deportistas entre as categorías Alevín e Infantil.