Marcos García Soto, nadador do C. N. Ferrol e bolseiro no CGTD, representará a España nos XVIII Xogos Mediterráneos de Tarragona 2018. Cumpridos os 30 anos chegou a súa primeira convocatoria coa Selección Española, a pesar da súa longa traxectoria destacando moito a nivel nacional absoluto, cunha longa colección de medallas e Récords Galegos.
Finalmente, poderemos gozar da súa presenza nuns xogos olímpicos do Mediterraneo; será do 22 de xuño ao 1 de xullo, formando parte deses 4 000 deportistas de 26 nacionalidades diferentes que competirán en 33 disciplinas deportivas.