Paula Goyanes e Gaspar Andrade, foron vencedores da sexta proba do Circuíto Galego de Augas Abertas, a XXIV Travesía a nado Praia de Coroso en Ribeira, na categoría absoluta. Na clasificación provisoria encabeza en categoría feminina, Paula Goyanes, seguida de Carla Goyanes e Laura Rodríguez, e en categoría masculina, Francisco Cobelo e Gaspar Andrade empatan no primeiro posto e terceiro está Adrián Bouza.
Nas categorías Máster non hai variacións e David Rodríguez Lago lidera a M1 masculina, Vanesa Pillado Mariño a M1 feminina, Baltasar García Pérez-Schofield a M2 masculina, María José Regueira Martínez a M2 feminina. Na M3 masculina encabeza a clasificación Donato Buceta Vázquez e na M4 masculina o líder da clasificación e Diego Viruel Rodríguez.