A vindeira fin de semana terán lugar as probas 6 e 7 do circuíto, as dúas terán lugar o sábado día 15 e unha distancia de 2500 metros, sendo pola mañá a travesía da Praia de Coroso e pola tarde a do Concello de Boiro.
As inscricións de ámbalas travesías rematan mañá xoves día 13 as 13:00 horas.
En canto ás clasificacións individuais Paula Goyanes García do CN Galaico encabeza a clasificación Deportistas Feminina, Gaspar Andrade Budiño do CN Arzúa a de Deportistas Masculina, Cristina Calviño Cancela do CN Ponteareas a Máster Feminina e Daniel Nomdedeu Rodal do RCN Vigo a Máster Masculina.
Nas clasificacións por clubes temos o CN Galaico encabezando a clasificación Deportistas Feminina, o CN Ponteareas a de Deportistas Masculina e a Máster Feminina e o RCN Vigo a Máster Masculina.