A pasada fin de semana disputouse nas Palmas, o Campionato de España de Waterpolo Xuvenil de 2ª Categoría, onde Galicia tivo como representante ao Club Waterpolo Galaico Pontevedra. O equipo Galego quedou encadrado no grupo C, xunto ao CW Castelló (derrota por 9-4) e Gymnapolis Soller (vitoria por 4-3). Os resultados dos primeiros partidos clasificaron o Galaico para cuartos de final, xogando o cruzamento contra o CN A Latina (derrota por 16-5), deixando ao equipo Galego fóra das semifinais. Na loita polas posicións 5º-8º, enfrontouse ao CN Askartza (derrota 4-15). No partido polas posicións finais, 7º-8º posto, xogaron contra o CN Metropole (derrota 10-9) finalizando o campionato en 8º posición. Malia os resultado adversos, a imaxe do CW Galaico Pontevedra foi moi boa, competindo contra rivais cunha maior densidade competitiva desde categorías inferiores, e superiores físicamente, xa que o equipo Galego xoga cun alto número de cadetes e só 4 xuvenís. Felicitamos ao CW Galaico Pontevedra polo Campionato onde a aprendizaxe dos xogadores será moi positivo para o clube e para todo o Waterpolo Galego.