Unha nova medalla na derradeira xornada do Campionato de España de Natación Absoluto OPEN e Júnior de inverno, esta vez a cargo de David González García do C. N. Pabellón Ourense quen foi terceiro en 100 braza da categoría absoluto mozo cun tempo de 1:05.85. Ademais acadou o posto 13 no campionato OPEN.
María Vilas Vidal do C. N. Galaico e bolseira do CGTD foi quinta en 400 estilos do campionato OPEN con 4:47.78.
Paula Otero Fernández do C. N. Liceo e bolseira do CGTD acadou o posto 12 en 400 estilos do cto. OPEN con 5:01.68.
Carla Faro Martínez do C. N. Ponteareas e bolseira do CGTD tamén foi finalista en 400 estilos do campionato OPEN acadando o posto 22 con 5:07.71.
Marco Guiotto Sánchez do C. del Mar foi oitavo en 400 estilos do campionato júnior con 4:42.12.
Miguel Martínez Novoa do Real C. Náutico Vigo acadou o posto 14 en 100 bolboreta do campionato OPEN con 56.45.