Esta fin de semana comezou a disputarse a Liga Galega de Wáter-polo nas diferentes categorías cos seguintes partidos e resultados:

Liga masculina de D. Honra: vitoria visitante do C. W. Pontevedra diante do C. W. Coruña Rías Altas (10-17) e vitoria local do RCN Vigo diante do C. Marina Ferrol (17-7).

Liga cadete mixta: vitoria local do RCN Vigo diante do C. Marina Ferrol (11-6) e empate entre C. W. Coruña Rías Altas e C. W. Pontevedra (11-11).

Liga infantil mixta: vitorias visitantes do C. W. Pontevedra diante do C .W. Coruña Rías Altas (6-14) e do C. Marina Ferrol diante do RCN Vigo (2-7).

A xornada do domingo pechou a primeira fase do I Torneo Wáter-polo Feminino Luso-Galaico, estando a fase final para o mes de xullo. Nesta segunda fase os resultados foron os seguintes:

- C. Fluvial Portuense 32 - 6 Lousada Séc XXI

- C. W. Pontevedra 7 - 17 C. Aquático Pacense

- C. W. Pontevedra 17 - 11 Lousada Séc XXI

- C. Fluvial Portuense 18 - 8 C. Aquático Pacense

Con estes resultados o Clube Fluvial Portuense queda primeiro de maneira provisional á espera da fase final. O Club Waterpolo Pontevedra, como representante galego, quedou en 3 posición. Para o equipo galego foi unha gran experiencia con 4 partidos en dous días.

Desde a Federación Galega de Natación queremos agradecer á Associaçao de Nataçao do Norte de Portugal a colaboración e o trato recibido.

A I Xornada do I Torneo Wáter-polo Feminino Luso-Galaico comezou onte na Piscina Municipal de Paços de Ferreira (Portugal), entre equipos da Associaçao de Nataçao do Norte de Portugal e a Federación Galega de Natación. Foi unha xornada moi produtiva, onde de momento o único representante galego, C.W. Pontevedra, tivo a oportunidade de medirse a rivais diferentes, o que fai que aumente a competición e a súa experiencia.

Os resultados foron os seguintes:

Clube Aquático Pacense 17 - 9 Lousada Séc XXI

Clube Fluvial Portuense 23 - 5 C. W. Pontevedra

Lousada Séc XXI 7 - 17 C. W. Pontevedra

Clube Aquático Pacense 8 - 17 Clube Fluvial Portuense

Para a xornada de hoxe domingo, disputaranse os 4 últimos partidos.

Se a semana pasada foi importante para o wáter-polo galego ao estrearse no I Torneo Luso Galaico masculino, esta semana non será menos importante coa primeira participación feminina neste proxecto. O I Torneo Wáter-polo Feminino Luso-Galaico comezará na xornada do sábado, onte na Piscina Municipal de Paços de Ferreira (Portugal), entre equipos da Associaçao de Nataçao do Norte de Portugal e a Federación Galega de Natación. Nesta primeira ocasión, a pesar de que non participen todos os clubess por diferentes motivos, serán 4 os equipos participantes (3 de Portugal e 1 de Galicia), onde se disputará durante a fin de semana unha liga entre todos os equipos, e unha fase final, disputando cada equipo 4 partidos.

O representante galego é o Club Waterpolo Pontevedra, mentres que por parte de Portugal serán: Clube Aquatico Pacense, Lousada Séc. XXI e Clube Fluvial Portuense.

A xornada do domingo pechou a primeira fase do I Torneo Wáter-polo Masculino Luso-Galaico, estando a fase final para o mes de xullo. Nesta segunda fase os resultados foron os seguintes:

- Club Waterpolo Pontevedra 6 - 20 Clube Fluvial Portuense

- Clube Aquático Pacense 12 - 3 Lousada Séc. XXI

- Foca Clube Nataçao de Felgueiras 12 - 3 Club Waterpolo Coruña Rías Altas

- Club Fluvial Portuense 14 - 19 Club Aquático Pacense

- Lousada Séc. XXI 1 - 8 Foca Clube Nataçao de Felgueiras

- Club Waterpolo Pontevedra 15 - 5 Club Waterpolo Coruña Rías Altas

Con estes resultados o Clube Aquático Pacense queda primeiro de maneira provisional á espera da fase final.

A vindeira semana será a quenda do torneo feminino, onde nesta ocasión só teremos un participante, o Club Waterpolo Pontevedra, pero nun futuro seguro que se unirán máis clubs.

Dende a Federación Galega de Natación queremos agradecer á Associaçao de Nataçao do Norte de Portugal o trato recibido, e en especial o detalle que tiveron gardando un minuto de silencio polo tráxico accidente que tivo unha consecuencia fatal para un deportista da nosa comunidade, Adrían García Pereira.

Despois de case dous anos de inactividade no programa de tecnificación, a Federación Galega de Natación, a través da área de Wáter-polo, volveu a poder retomar a actividade, como se estaba facendo hai case dous anos.

Durante a xornada do sábado preto de 70 deportistas de categoría feminina e masculina puideron dar o comezo ao programa de tecnificación.

En canto á categoría masculina, preto de 40 deportistas realizaron as primeiras probas para as seguintes concentracións e en categoría feminina preto de 30 deportistas participaron pola tarde. A gran noticia é que cada vez podemos ir igualando o número de xogadoras o que significa que o wáter-polo feminino vai alcanzando o lugar que se merece dentro do noso deporte. Parabéns a todos/ as os/as wáter-polistas e que sigan traballando cos seus clubs.

Onte foi unha xornada importante no wáter-polo galego, coa primeira xornada dun proxecto que promete ser xerador dunha maior promoción do wáter-polo en Galicia. Despois duns anos tentando facer realidade unha colaboración co noso veciños de Portugal, por fin fíxose realidade. O I Torneo Wáter-polo Masculino Luso-Galaico comezou onte na Piscina Municipal de Felgueiras (Portugal), entre equipos da Associaçao de Nataçao do Norte de Portugal e a Federación Galega de Natación.

Nesta primeira ocasión, a pesar de que non puidesen participar todos os equipos por diferentes motivos, foron 6 os equipos participantes (4 de Portugal e 2 de Galicia), onde se disputará durante toda a fin de semana unha liga entre todos os equipos, disputando cada equipo 5 partidos. Os representantes galegos son o Club Waterpolo Coruña Rías Altas e o Club Waterpolo Pontevedra.

Os resultados de onte foron:

- Clube Aquatico Pacense 12 - 9 Club Waterpolo Pontevedra

- Club Waterpolo Coruña Rías Altas 20 - 7 Lousada Séc. XXI

- Foca Clube Nataçao de Felgueiras 5 - 23 Clube Fluvial Portuense

- Club Waterpolo Pontevedra 22 - 3 Lousada Séc. XXI

- Club Fluvial Portuense 20 - 10 Club Waterpolo Coruña Rías Altas

- Club Aquatico Pacense - Foca Clube Nataçao de Felgueiras

- Lousada Séc. XXI 3 - 27 Clube Fluvial Portuense

- Foca Clube Nataçao de Felgueiras 10 - 11 Club Waterpolo Pontevedra

- Club Waterpolo Coruña Rías Altas 3 -26 Clube Acuático Pacense

Onte xoves coñecemos a lutuosa noticia do falecemento de Adrián García Pereira en Romanía onde se atopaba de ERASMUS.

Adrián era wáter-polista e empezou a xogar en Asociación Coruñesa de Waterpolo no 2010 ata o 2016 cando decidiu xogar no C. N. Coruña, cos que puido gozar de xogar o campionato de España Cadete.

Un gran porteiro, un gran amante dos deportes, e un grandísimo compañeiro e amigo dos seus amigos. Aínda que xa non xogaba ao waterpolo, nunca deixou de ser un wáter-polista.

Desde a FEGAN queremos expresar o noso máis sentido pésame á familia e amigos de Adrián.

O C. W. Santiago foi o dominador da fin de semana da Copa Galega de Wáter-polo que se disputou na piscina Rosario Dueñas de Ourense ao proclamarse tamén Campión da Copa Masculina tras impoñerse na final ao RCN Vigo por 7-6, que foi segundo.

No encontro polo terceiro e cuarto posto, o gañador foi o C. W. Coruña Rías Altas que derrotou ao C. W. Pabellón Ourense por 9-5.

Ler máis.

O C. W. Santiago proclamouse hoxe Campión da Copa Galega feminina de Wáter-polo que se disputou na piscina Rosario Dueñas de Ourense ao vencer nos seus dou encontros por 7-3 fronte ao C. W. Pabellón Ourense e 9-6 fronte ao RCN Vigo.

O segundo posto foi para o C. W. Pabellón Ourense que venceu 9-7 ao RCN Vigo que foi terceiro.