As nadadoras María Vilas Vidal e Carla Goyanes García do C. N. Galaico e bolseiras do CGTD xunto con María de Valdés Álvarez e Gaspar Andrade Budiño do C. N. Liceo, están convocados co equipo nacional para participar na 2ª etapa da Copa LEN - Campionato de Francia OPEN de augas abertas que se disputa do 23 ao 26 de maio en Brives la Gillarde (FRA).
Esta proba de máximo nivel internacional e clasificatoria para o Campionato do Mundo FINA (Gwangju - Corea do Sur) e para o Campionato de Europa Júnior (Racice - República Checa). María Vilas, María de Valdés e Carla Goyanes participarán o xoves na proba de 10 km e o sábado na de 5 km, mentres que Gaspar participará o domingo na proba de 25 km.
A esta competición tamén están convocados como integrantes do cadro técnico, Fernando Zarzosa, adestrador do CGTD e Jesús de la Fuente, adestrador do C. N. Liceo.