Esta fin de semana os nadadores bolsieros do CGTD: María Vilas, Alba Gómez, Carla Faro, Ana Cernadas, Carlos Souto e Pablo Galán participaron no X Meeting Internacional Póvoa de Varzim, como primeira competición en piscina de 50 m para preparar as competicións máis importantes deste ciclo. Ademais dos bos resultados con varios postos de podio en probas individuais e de remudas, acadaron o cuarto posto da clasificación por clubes por detrás do F. C. Porto, a Selección Nacional de Portugal e o equipo SMGM Team Nuoto de Lombardía.