Continúa en Ourense a disputa do VI Campionato de España Alevín-Júnior de Natación Artística de verán. Xa rematada a competición alevín, o C Galaico Sincro acadou o noveno posto da clasificación por clubes e o C Sincro Ourense, o posto 13 de entre os 16 mellores clubes de España.
As nadadoras dos dous clubes demostraron un gran nivel en todas as modalidades, destacando o 8º posto do equipo do C Galaico Sincro e o 12º de C Sincro Ourense. En combo, o C Sincro Ourense foi 11º e o Galaico Sincro 13º. Tamén, o dúo do C Galaico Sincro foi 9º.
Na categoría júnior, destaca o 6º posto do C Sincro Ourense en combo e o RCN Vigo 10º.