Tecnificación de Natación Artística - Xornada 1

Esta fin de semana comezou a actividade de tecnificación de natación artística na piscina Rías do Sur de Pontevedra. Nesta 1ª xornada realizáronse as probas de selección.

Nesta tempada o programa de tecnificación está dirixido e coordinado por Irina Rodríguez Álvarez. Irina, como deportista foi membro destacado da Selección Española acadando numerosos éxitos internacionais como a medalla de prata nos Xogos Olímpicos de Pekín 2008, e medallas de ouro e prata en Campionatos do Mundo (Barcelona 2003, Montreal 2005, Melburne 2007 e Roma 2008) e en Campionatos de Europa.

Como técnico, foi adestradora do Equipo Nacional Español (2014-2016), Directora técnica do CN Granollers (2013-2014) e realiza colaboracións internacionais con Arxentina, Colombia, Bélxica e EEUU.