A RFEN fai pública a relación de persoas e entidades ás que outorga distincións polos resultados acadados nas diferentes disciplinas ou por especiais servizos prestados e das que se fará entrega na Gala da Natación que se celebra en Madrid o vindeiro sábado 7 de outubro.
Nesta edición os integrantes da Federación Galega de Natación que serán distinguidos nas diferentes categorías son:
Placa 75 aniversario ao CN Coruña
Medallas extraordinarias ao mérito deportivo para deportistas medallistas en campionatos de Europa ou do mundo:
- María Vilas Vidal do CN Riveira.
- Águeda Cons Gestido do CN Galaico.
- Oscar Montes Gómez, ex xogador de wáter-polo do C Marina Ferrol.
Medallas aos servizos distinguidos en categoría de bronce:
- Carmen Vázquez Parcero, estamento de árbitros.
- Alberto Cano Peláez, estamento de árbitros.
- Luisa Domínguez Lago, estamento de técnicos.