O sábado 12, disputarase a terceira edición do Torneo Norte - Sur que reune aos 20 mellores nadadores e nadadoras das duas zonas. Norte (Coruña - Lugo) e Sur (Ourense - Pontevedra). Terá lugar no Complexo Deportivo Álvaro Pino de Ponteareas. Dará omezo as 11:00 horas a sesión de mañá e as 17:00 horas a de tarde.
A presentación tivo lugar esta mañá no Concello de Ponteareas. Estiveron presentes Juan Carlos Brión, presidente da FEGAN; Nicolás Rodríguez, Concelleiro de Deportes de Ponteareas; Nava Castro, Alcaldesa de Ponteareas; José Manuel Freire, Coordinador de Deportes da Xunta de Galicia en Pontevedra e Andrés Carrera, Presidente de CN Ponteareas.
Mateo García (bolseiro do CGTD) e Paula Otero, os dous de CN Arteixo, convocados co Equipo Nacional Absoluto de Augas Abertas para participar na 2ª etapa da Copa do Mundo World Aquatics 2025 e Campionato de España de Augas Abertas.
Dentro de Equipo Técnico, Luisa Domínguez, adestradora do CGTD
Terá lugar en Santa Eulária des Riu, Ibiza, do 25 ao 27 de abril.
O 12 e 13 de abril disputarase na Piscina Municipal Olímpica de Lieiro, Cervo, o Campionato Galego de Wáter-polo Infantil Mixto de Inverno. Dará comezo o sábado as 13:30 horas cos partidos da primeira fase. O domingo, a partir das 10:00 horas as finais.
Participarán 9 equipos, CW Pontevedra Masculino, CW Pontevedra Feminino, C Marina Ferrol, RCN de Vigo, CW Santiago A, CW Santiago B, CW As Mariñas, CW Coruña Rías Altas e CW Lugo.
Varios nadadores galegos representaron a Galicia pola Universidade de Vigo, no Campionato de España Universitario que se disputou o fin de semana en Madrid. Os nadadores Nicolás Vázquez (CN Galaico), Antón Ares (CN Panas), Eva Feijóo (CN Pabellón Ourense), Carla Faro e Sofía Carballo (CN Ponteareas) obtiveron o posto 10 de 42 universidades.
En natación inclusiva participaron, Juán Ferrón (CN Mos) e Jacobo Garrido (Panas)
Tamén participou Paula Otero (CN Arteixo) pola Universidade Católica de Murcia; Gracia Suárez (CN Ponteareas) pola Universidade de León e Jorge Carreira (CN Panas) pola Univerdidade Isabel I.
Resultados máis destacados:
3ª - Sofía Carballo - 50 braza - 32.96
6º - Antón Ares - 50 libre - 23.12
9ª - Carla Farro - 200 estilos - 2.27.93
2ª - Paula Otero - 400 libre - 4.19.09
3ª - Paula Otero - 800 libre - 8.49.19
Dende o día 3 e ata o 6 de abril, as seleccións galegas infantís de Wáter-polo tanto masculina como feminina participaron no Campionato de España por FFTT nas instalacións de Son Hugo, Palma de Mallorca.
A selección masculina acabou en 13° lugar, despois de perder en dous encontros moi igualados ante Canarias 4-6 e Baleares 9-11 e gañar á comunidade da Rioxa 13-8, o que lles dió a terceira praza do grupo C cruzando nas posicións do 9 ao 14 ante Navarra. Dito partido que caeu ao lado navarro por un axustado 6-7, xa na loita polos postos décimo terceiro e décimo cuarto vitoria cómoda ante a Región de Murcia por 13-7, que lles deu a xa citada décimo terceira praza no campionato.
Pola súa banda a selección feminina deu comezo a súa participación no campionato, cunha vitoria ante a comunidade de Ceuta por 6-4, caendo derrotadas ante Aragón cun 2-12, o que lles deu a segunda praza do grupo 4 debendo cruzarse ante Murcia polos postos do noveno ao decimosegundo. Vitoria clara para as galegas contra Murcia cun 12-2, gran último encontro na loita pola 9° posición ante a comunidade Valenciana á que venceron por 10-7 nos penaltis despois de chegar ao final do encontro con empate a 6 no marcador.
Boa experiencia para os nosos deportistas que continúan en gran progresión.
Nicolás Astigarrabia de C Marina Ferrol, seleccionado para participar no Festival Olímpico da Mocidade Europea que terá lugar en Skopie, Macedonia do Norte, do 20 ao 26 de xullo de 2025.
Sexta xornada do programa de Seguimiento das Categorías Alevín e Infantil de tecnificación de Natación Artística, organizados pola Dirección Técnica da área de Natación Artística da Federación Galega de Natación.
Terá lugar en Pontevedra, na piscina do Centro de Tecnificación o 12 de abril. A sesión de mañá dará comezo as 10:00 horas e a de tarde as 15:30 horas.
