O venres pola tarde celebrouse na piscina do CGTD de Pontevedra, a primeira xornada de tecnificación de natación do grupo especial de seguimento (GES) desta tempada, na que participaron 27 deportistas de diferentes clubes galegos coa colaboración de algúns dos seus adestradores.
A segunda xornada está prevista para o venres 18 de xaneiro.
A xogadora Andrea Andión Valiñas do C. W. Pontevedra está convocada de novo para participar nunha concentración do plan nacional de tecnificación deportiva de wáter-polo de categoría cadete, que se celebra en Valencia do 28 ao 30 de setembro.
Tamén está convocada como integrante do cadro técnico, Henar de Pablos, adestradora do CN Coruña.