A nadadora María Vilas Vidal do CN Riveira, participou na súa segunda proba nos XXOO de Río 2016, os 800 libre, na que foi sexta da súa serie cun tempo de 8:36.43. Con esta proba remata a súa participación olímpica, nunha tempada chea de éxitos na que, ademais de conseguir a clasificación para a competición máis importante como son uns XXOO, acadou unha medalla de bronce nos 1500 libre do Campionato de Europa Absoluto de Londres, e numerosas medallas en Campionatos de España Absolutos.